8/28/16


ඉරිදා උදේ තේ පානයෙන් පසු සාලයේ සැප පුටුවක ඈඳි ගෙන සති අන්ත පුවත්පතක් කියවමින් සිටි පෙ‍රේරා ගේට්ටුවේ විදුලි සීනුව නාද වෙනු ඇසී නැගිට්ටේ කම්මැලිකමිනි. ඉස්තෝප්පුව පසුකොට ප්‍රධාන දොරෙන් පිටවී නිවසේ පඩිපෙළ බැස ගෙවත්ත හරහා ගොස් හේ ගේට්ටුව ඇරියේ ඈනුමක් හරිමිනි.


“සුබ උදෑසනක් වේවා මහත්මයා. මේ ලේන් එකේ ගෙවල්වල ඉන්න නෝනා, මහත්වරු කොයිතරම් සංග්‍රහශීලී ද කියල සමීක්ෂණයක් කරමිනුයි මම මේ මහත්මයගෙ ගෙදරටත් ආවේ.”
බැරෑරුම් ස්වරයකින් කිය‍ූ සිඟන්නෙකු පෙරේරා වෙත තම අතේ තිබූ බෙලෙක් ‍කෝප්පය දිගු කෙළේ ය.

මම නං එහෙම නැහැ


‘අපේ මිනිස්සු හරිම අකෘතඥ ජාතියක් බං. මම කොයිතරම් නං මිනිස්සුන්ට උදව් කරලා තියෙනවද? මම අර මන්ත්‍රීවරයෙක් ගෙ ලේකම් වෙලා හිටිය කාලෙ මගෙන් බොහොම ලොකු උදව් ගත්ත සමහරු පාරෙදි ඉස්සරහට හම්බ වුණාම හෙමීට අහකබලාගෙන යනවා. හැබැයි පුතේ, අපේ ගෙදර බල්ලානං එහෙම නෑ. ඌ මාව දැකපු ගමන් ළඟට දුවගෙන එන්නෙ කෙලවරක් නැතුව වලිගෙ වන වනා.” චන්ද්‍රසිරි, විජිත සමඟ කීවේ කතාබහක යෙදී සිටියදී ය.‍

“මං ගැන නං කීයටවත් එහෙම හිතන්ඩ එපා අයියෙ. අනේ අම්මපා! මට වලිගයක් ‍එහෙම තිබුණා නං ඔයාව දැක්කාම මම ඒක වනනවා. එපයි කියනකං...” විජිත කීවේ තමාහට ටෙලිනාට්‍යයක රඟපෑම සඳහා අවස්ථාවක් ලබාදුන් චන්ද්‍රසිරි වෙත කෘතඥතා පූර්වක බැල්මක් හෙළමිනි.

මිතුරන්ට share කරන්න.
silumina

NaluNileNews පසුගිය ලිපි කියවන්න

Copyright © Gossip Lanka News කලාවෙන් ඔබ්බට ලෝකය | Powered by NaluNileNews